ისტორია
„თბილღვინო ქართული ღვინის მწარმოებელი ერთ-ერთი ყველაზე დიდი და წარმატებული კომპანიაა საქართველოში, რომლის პროდუქციასაც მსოფლიოს 30-ზე მეტ ქვეყანაში იცნობენ, აფასებენ და ენდობიან. წლების განმავლობაში დაგროვილი გამოცდილებით, უახლესი ტექნოლოგიებითა და ტრადიციული მეთოდების გათვალისწინებით, იქმნება ღვინო საქართველოდან, რომელმაც არაერთხელ მოიპოვა საერთაშორისო აღიარება მსოფლიოს ყველაზე გავლენიან კონკურსებზე (Decanter London, IWC London, IWSC London). „
დაარსდა კომპანია თბილღვინო და დაიწყო საქართველოში ერთ-ერთი ყველაზე დიდი ღვინის საწარმოო ისტორია.
კომპანიას ახალი გუნდი ჩაუდგა სათავეში, რის შემდეგაც საფუძველი ჩაეყარა ღვინის წარმოების განახლებულ, თანამედროვე ფილოსოფიას.
შეიქმნა განსაკუთრებული მარაგის ღვინო.
განსაკუთრებული მარაგის საფერავმა მსოფლიოს ყველაზე
გავლენიან კონკურსზე
(International Wine&Spirits Competition,
London) მიიღო ვერცხლის მედალი და კატეგორიის საუკეთესო
ღვინოდ დასახელდა.
თბილღვინოს ISO 22000 (კვების უსაფრთხოება) და ISO 9001 (ხარისხის კონტროლი)
სერტიფიკატები მიენიჭა, რომელსაც მსოფლიოში წამყვანი ტესტირების, ინსპექტირებისა
და სერტიფიცირების შვეიცარული
კომპანია (SGS) გასცემს.
თბილღვინო გახდა ქართული ღვინის ყველაზე დიდი ექსპორტიორი.
განახლდა ქვევრის ღვინის დაყენების უძველესი ტრადიცია.
თბილღვინომ თავისი მასშტაბების გაფართოება გადაწყვიტა და საერთაშორისო ფინანსურ კორპორაციასთან (IFC) თანამშრომლობით ახალი ღვინის საწარმოს მშენებლობა დაიწყო ყვარლის რაიონში.
კახეთის რეგიონში, კერძოდ ყვარელში, თბილღვინოს შეემატა ახალი საწარმო გაზრდილი სიმძლავრეებით, რითაც შესაძლებელი გახდა 9 მილიონი ლიტრი ღვინის შექმნა.
დაიწყო თბილღვინოს პირველი ვენახების გაშენება ყვარელში, ქინძმარაულის მიკროზონაში, რამაც კომპანიას საშუალება მისცა გაეკონტროლებინა წარმოების სრული ციკლი.
თბილღვინოს მსოფლიო ცნობადობა გაიზარდა და მისი პროდუქცია 30-ზე მეტ ქვეყანაში გავიდა ექსპორტზე.
თბილღვინომ მიიღო პირველი მოსავალი საკუთარი ვენახებიდან.
თბილღვინოს მიერ გაშენებულმა ვენახების ფართობმა 400 ჰა-ს გადააჭარბა, რამაც გამოიწვია დამატებითი სამუშაო ადგილების შექმნა.
ყველაზე გავლენიან საერთაშორისო კონკურსებზე (Decanter London, IWC London, IWSC London) მიღებული 49 ჯილდოთი, თბილღვინო უკვე მესამედ გახდა ყველაზე ტიტულიანი ქართული კომპანია მიღწევების ჯამური რაოდენობით.
თბილღვინო ღირსეულად აგრძელებს ქართული ღვინის 8000 წლიან გზას, რომელიც ყველა ქართველისთვის საამაყოა. გთავაზობთ ანიმაციას, რომელიც ქართული ღვინის ისტორიაზე მოგვითხრობს.
საიუბილეო კოლექცია
60 წლის აღსანიშნად, თბილღვინომ საიუბილეო კოლექცია შექმნა, რომელშიც საკუთარ ვენახებში მოწეული ყურძნისგან დამზადებული წინანდალი და საფერავი არის წარმოდგენილი, გამორჩეული არომატებითა და დაუვიწყარი გემოთი.
თბილღვინოს საიუბილეო კოლექციის წინანდალი ერთ-ერთი უძველესი ადგილწარმოშობის დასახელების ღვინოა, რომელსაც მრავალსაუკუნოვანი ისტორია აქვს. სასმელი მომწვანო ჩალისფერია, რომელსაც ნედლი თხილისა და თეთრი ატმის ტონებთან ერთად, ციტრუსების სურნელი ერთვის. მის გემოში სასიამოვნო მჟავიანობა, კახური მწვანეს სიხალასე, რქაწითელის ძალა და სიმსუბუქე იგრძნობა.
საფერავი წითელყურძნიანი საღვინე ვაზის ჯიშია. საიუბილეო კოლექციის საფერავი კომპანიის ერთ-ერთი მთავარი სიამაყეა. თბილღვინომ 2018 წლის მოსავლისგან ჩემპიონი საფერავი შექმნა, რომელიც ლონდონში საუკეთესო წითელ ღვინოდ დასახელდა. მასში მწიფე ალუბლის, მაყვლის, ვანილისა და მუხის ტონები ჰარმონიულად ერწყმის ერთმანეთს.
ჯილდოები
60-იანი წლებიდან მოყოლებული, თბილღვინოს ღვინოების ასორტიმენტი მუდმივად იხვეწება და იზრდება. ამჟამად კომპანია სუფრისა და პრემიალური ღვინოების გარდა, ქმნის განსაკუთრებული მარაგის, ქვევრისა და ქარვისფერ მშრალ ღვინოებს. ყველა მათგანის ობიექტური შეფასება თბილღვინოს სტრატეგიის მნიშვნელოვანი ნაწილია, სწორედ ამიტომ კომპანია ყოველწლიურად იღებს მონაწილეობას ღვინის საერთაშორისო კონკურსებზე.
2022 წელს, ყველაზე გავლენიან საერთაშორისო კონკურსებზე (Decanter London, IWC London, IWSC London) მიღებული 49 ჯილდოთი, თბილღვინო უკვე მესამედ გახდა ყველაზე ტიტულიანი ქართული კომპანია მიღწევების ჯამური რაოდენობით. არსებული კონკურსები ყველაზე გავლენიანი, წამყვანი და მიუკერძოებელი მსოფლიო დონის კონკურსებია, სადაც წარმოდგენილ ღვინოებს მთელი მსოფლიოს ქვეყნების ღვინის სახელგანთქმული ექსპერტები და სომელიეები აფასებენ.
საფერავი 2018 ქართული ღვინის ისტორიაში პირველად ჩემპიონ ღვინოდ დასახელდა.
ქვევრის ქისი 2020-მა Decanter London-ის კონკურსზე ოქროს მედალი და Value მოიპოვა, რაც ნიშნავს რომ ამ ღვინის ხარისხი აღემატება ფასს.
ქისი განსაკუთრებული მარაგი 2021 ოქროებს შორის გამორჩეული პრიზით, Trophy-ით დაჯილდოვდა IWC London-ის კონკურსზე.
მუკუზანი განსაკუთრებული მარაგი 2018-მა 95 ქულით ოქროს მედალი მიიღო IWSC London-ის კონკურსზე.
თბილღვინოს საერთაშორისო წარმატება მნიშვნელოვან როლს თამაშობს ქართული ღვინის პოპულარიზაციასა და ცნობადობის ამაღლებაში.